精彩馬戲

2日1夜番禺遊

呢次行程都有D小風波
就係傻爸爸回鄉証竟然過左期, 不過好彩有1次性的通行証可以申請
我們9月30日由香港經落馬洲去深圳
意想不到的係落馬洲真係好少人, 過境好輕鬆
真係好適合一家大細的過境通道
不過就有小意外
就係安喬姑姐唔記得幫個女(表姐)帶passport, 只係帶左生份證
但身份證因為無相所以應該係唔俾過關既
不過當日係表姐正日6歲生日, 人民入境方面就特別俾佢出境
真係好彩咋, 如果唔係都唔知點算好
之後我地就坐一早租左的7人車出發去番禺
因為我們有大小12人, 所以都租左兩架車
番禺方面就住祈福新村的度假屋, 好抵住
一屋有四房, 都只係HK$1380, 仲有齊毛巾牙刷等等供應, 完全唔使自己帶野都得
之後我地去左祈福食街食野, 都好食又好平
然後我地就去左長隆歡樂世界, 大人就玩刺激的機動遊戲,
小朋友都有好多啱佢地的機動遊戲玩, 所以長隆都好啱一家人去
夜晚就睇左場好精彩的馬戲表演
因為玩左成日都真係好累, 所以我們食完晚飯就去按摩啦!
祈福有個按摩中心,D按摩師的手勢都唔錯, 我們個個都好滿意
又唔貴, 只係50元就可以按足60分鐘, 好抵吓!
10月1日我們就去左動物園, 小朋友就好開心, 大人就可能會悶D
玩足半日我地就要出發回程啦!
夜晚就係落馬洲附近的春滿園食飯, 雖然係貴左D, 不過都好食
然後我地就返香港啦!
2日1夜的番禺遊話咁快就完左啦!
雖然係有D辛苦, 不過都真係玩得好開心!!!!

明天出發去旅行

好久沒有去旅行了, 明天終於可以去啦!
雖然只是兩日一夜的短線旅遊, 不過都好興奮
可惜妹妹仲細, 無得去, 不過唔緊要, 下次補番
今次係去講左好耐都成唔到行的番禺長隆,
終於都去得成啦!
今次反而係無麥計劃下成到事,
星期三大家先講, 明天就去啦
世事既野就係咁, 有時計劃好耐反而去唔成, 即興反而好D!

澳門威尼斯人

之前我地兩公婆同啲friends去左澳門, 亦去左新開的威尼斯人
果度真係好靚, 亦都極大
我地當然都有去casino啦, 入面大到真係有d唔知道方向
可能好新, 連d職員都蒙查查, 問佢地toilet係邊, 佢地竟然可以答唔知
係唔係好攪笑