姊妹舞蹈

兩個傻婆在跳舞 wahahahahaha!!!

第一次BB Gathering

今日第一次同Baby Kingdom嘅媽咪一齊攪咗個BB聚會

真係有好多BB參加咗, 大部份都係08年10月同11月出世嘅BB

個個都好鬼Q, 原來唔止阿佬大嚿, 都有好多B都好多大隻架!

今日仲識咗好多朋友仔, 真係好開心, 希望下次可以再攪過.

阿佬終於有名啦!

終於決定咗阿佬個中文名叫鄭哲男
哈哈,不過唔係因為套電視劇架!
係俾師傅改嘅,所以大家唔好問我係唔係因為仲意套劇而改咁嘅名啦,唔該!
前排又搵到自己D舊相,發覺原來阿仔同自己超似
簡直係一個翻版,不過希望佢唔好好似我咁肥又咁矮就好啦!

安喬的第一份工作

最近媽媽成日掛住玩FACEBOOK,攪到好耐都無UPDATE個BLOG,真唔應該 ^0^
安喬人生中咁重要嘅事一定要寫低
就係喺呢個新年(09/1/17-09/2/1連續3個星期六,日)做MODEL
去銅鑼灣利園同利舞臺度扮牛女派風車
佢個造型真係呢....SO CUTE CUTE CUTE!!!
呢份係一份工作黎架,而且係有人工收架
開頭佢有少少唔慣,所以有D唔知點好
後來就好少少,不過都係仍有D唔慣
其實呢份工作對佢黎講可能辛苦咗少少,不過佢都做得好開心
因為可以同其他小朋友玩嘛!

爺爺生日宴

噚日係爺爺嘅生日,雖然無出去食飯,但都喺屋企大食咗一餐.
今年仲買咗個麥都無嘅蛋糕,等安喬同表姐一齊發揮,當然姑姐同表姑姐都有份幫手啦.
出黎嘅効果都好靚,比得上街買嘅蛋糕.
可惜今年阿佬仲細,所以無得參加,出年啦,應該有佢份架啦!

新一年

08年話咁快又過咗去囉!新嘅一年又來啦!
今年嘅倒數喺大埔姨姨屋企度舉行,佢仲準備左好多食物俾大家食.
14個大人竟然開咗11枝酒,仲要全部都係唔同款嘅酒.
但飲嘅人就得7個,雖然唔係全部飲晒,但每人最少都飲咗1枝,認真厲害.
噚日仲有玩遊戲攞禮物嘅節目,個個都玩度好開心.
08年嘅最後一日真係過得好開心.
辛苦晒啦,姨姨!!!
希望新嘅一年個個都可以順順利利啦!!!

新成員

家中的新成員終於在11月13日出世啦! 係個男仔,出世就重9.1磅,都好大嚿,一啲都唔似啱啱出世的BB. 安喬同祉言都好高興多咗個細佬祉言仲成日走去錫錫弟弟,但佢唔識叫細佬,所以就叫弟弟阿佬阿佬亦順利成章成為咗弟弟的乳名希望阿佬可以好似兩個家姊咁日日都開開心心